...
...
  1. Нүүр
  2. Спорт

Д.Отгондалай, Э.Цэндбаатарын "цуст" тулаан

 1561    2017-1-16

ХХ зууны манлай, Гавьяат дасгалжуулагч Вандуйн Батбаярын нэрэмжит сонирхогчдын боксын насанд хүрэгчдийн Улсын аварга шалгаруулах тэмцээн ширүүхэн өрсөлдөөнтэй болж өнөөдөр /2017.01.16/ өндөрлөлөө.

Зургаан өдрийн турш /2017.01.10-15/ Спортын төв ордонд болсон УАШТ-д 39 багийн нийт 201 тамирчин эрэгтэй ес, эмэгтэй найман жинд өрсөлдөж, аваргуудаа тодруулсан юм.

Энэ жилийн улсын аваргад эрэгтэйчүүдийн 60 кг-ын тулаанууд хамгийн их анхаарал татаж байлаа. Учир нь энэ жинд "Рио 2016" олимпийн наадмын хүрэл медальт, Гавьяат тамирчин Д.Отгондалай, "Рио 2016" олимпийн наадмын шагналт V байрын эзэн Э.Цэндбаатар нарын шилдэг тамирчид багтсан юм. 

Тэдний хувьд учраа бүрээ ялсаар шигшээ тулаанд шалгараад байсан. Өнөөдөр болсон шийдвэрлэх тоглолтод шүүгчдийн саналаар Э.Цэндбаатар 3:2 онооны харьцаагаар ялалт байгуулж, улсын аварга цолыг хүртлээ.

Өмнө нь 60 кг-ын улсын аварга цолыг Д.Отгондалай эзэмшдэг байсан юм. Харин энэ Э.Цэндбаатар аваргыг давж, аварга болсон юм.

Тоглолтын үеэр тамирчдын хөмсөг задарснаар эмчийн тусламжийг 4-5 удаа авсан юм. Э.Цэндбаатар жин өгcөж тоглон, аварга цолыг хүртлээ. Түүний хувьд дараагийн олимп, ДАШТ-д хүчтэй өрсөлдөгч байх бүрэн боломжтой байна. Дэлхийд мэдрэмж, хурд хүчээрээ гайхагдаж буй Д.Отгондалайтай энэ тэнцүү өрсөлдлөө.

60 кг:

Алтан медаль: Э.Цэндбаатар /Сүлд/
Мөнгөн медаль: Д.Отгондалай /Хилчин/
Хүрэл медаль: О.Батхүү /УБ про/, Ц.Пүрэвсүрэн /Хангарьд/ нар тус тус хүртлээ.

Б.Учрал

BreakingNews.MN

 1561    2017-1-16
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.