Оросын Холбооны Улсаас Монгол Улсад суугаа Элчин сайдын яамны дэмжлэгтэйгээр 2025 оны 6-р сарын 28–29-ний өдрүүдэд Улаанбаатар хотын Тусгаар тогтнолын талбайд Оросын тэргүүлэгч үйлдвэрлэгчид болох Горькийн автомашины үйлдвэр, “Урал” үйлдвэрийн автомашин болон орчин үеийн төрөл бүрийн автотехникийн үзэсгэлэн ба нийслэлийнхэнд зориулсан сонирхолтой бусад олон арга хэмжээнүүд зохион байгуулагдаж байна.

Арга хэмжээ нь бизнесийн болон соёлын хоёр хэсгээс бүрдэх бөгөөд нийслэлийн ард иргэд, зочин гийчид анх удаа Монголд орчин үеийн, хатуу ширүүн нөхцөлд ажиллахад зориулан бүтээгдсэн ОХУ-ын хүчирхэг, найдвартай автомашин, техник хэрэгслүүдтэй танилцахын зэрэгцээ Орос, Монголын уран бүтээлчдийн хамтарсан тоглолт, урлагийн хөтөлбөрийг үзэн сонирхож, сэтгэлээ баясгах боломжтой.

Тусгаар тогтнолын талбай дээр дэлгэгдэх үзэсгэлэнгийн хүрээнд суудлын болон ачааны, мөн бартаат зам туулах, цаг уурын хүнд нөхцөлд ашиглахад зориулагдсан 5 төрлийн автомашиныг танилцуулна.

Хоёр өдрийн турш үргэлжлэх өргөн цар хүрээтэй энэхүү үйл ажиллагааны хөтөлбөрт шилдэг уран бүтээлчдийн тоглолт, шагналтай тэмцээн уралдаан, гэр бүлээрээ оролцох боломжтой гар урлалын сургалт, хөгжмийн үзүүлбэрүүд болон Оросын нэртэй загвар зохион бүтээгчдийн урласан үндэсний хувцасны загварын үзүүлбэр багтсан. Загварын үзүүлбэрт “Дэлхийн Орос гоо бүсгүй 2025” (mrsworld.ru) үндэсний гоо бүсгүй болон эхчүүдийн тэмцээнд удаалсан бүсгүй оролцоно.

Оросын автомашин үйлдвэрлэгчид энэ үеэр хамтран ажиллах түншүүд болон мэргэжлийн хэрэглэгчидтэй яриа хэлэлцээ хийхэд бэлэн байна.

Денис Цветов, Горькийн автомашины үйлдвэрийн төлөөлөгч:

Өнөөдөр бид Монгол Улсад орчин үеийн техникийн шийдэл, эдийн засгийн үр ашиг болон бат бөх чанарыг хослуулсан машин техникийг танилцуулж байна. Горькийн үйлдвэрийн автомашинууд нь Оросын зах зээлд тэргүүлэгч төдийгүй дэлхийн олон улс оронд нийлүүлэгдэж байна. Манай туршлага Монголд ч хэрэгтэй гэдэгт бид итгэлтэй байна. Манай автомашинууд нь жижиг, дунд бизнес эрхлэгчдэд ч, орон нутгийн хэрэгцээнд ч найдвартай туслагч болж чадна.

Евгений Ильиных, «УРАЛ» автомашины үйлдвэрийн төлөөлөгч:

Бид боломжит түншүүдтэй яриа хэлэлцээ хийхэд нээлттэй бөгөөд монголчууд манай техникийн бодит үнэ цэнийг олж харах болно гэж найдаж байна. Үүнд цаг хугацаагаар баталгаажсан найдвартай хийц, цаг уурын хүнд хэцүү нөхцөлд ашиглах боломж, бартаат замыг туулах чадвар, ашиглалтын дээд зэргийн үр ашиг зэргийг дурдаж болно.

Иван Тихонов, Ярославлийн моторын үйлдвэрийн төлөөлөгч:

Горькийн автомашины болон Уралын автомашины үйлдвэрийн ачааны машинууд нь манай дотоодын хөдөлгүүрийн үйлдвэрт үйлдвэрлэгдсэн домогт ЯМЗ хөдөлгүүрээр тоноглогдсон билээ. Манай «Ярославлийн моторын үйлдвэр» (ЯМЗ) нь ирэх жил 110 жилийн ойгоо тэмдэглэх гэж байна. Бид хүчирхэг, удаан эдэлгээтэй хүчний агрегат, мөн бүхэл бүтэн сургууль, эсвэл эмнэлгийг цахилгаан эрчим хүчээр хангах чадвартай аварга томоохон дизель генератор үйлдвэрлэдэг олон жилийн уламжлалаа баримтлан ажилласан хэвээр.

Энэхүү арга хэмжээг Оросын Холбооны Улсаас Монгол Улсад суугаа Элчин сайдын яамны дэмжлэгтэйгээр манай хоёр орны хамтын ажиллагаа, технологийн солилцоог хөгжүүлэх зорилготойгоор зохион байгуулж байгаа билээ.

ОРОСООС ТУСГАЙЛАН МОНГОЛД ЗОРИУЛСАН ТЭЭВРИЙН ХЭРЭГСЛИЙН ЦОГЦ ШИЙДЭЛ

Оросын автомашинууд нь дэлхийн бусад үйлдвэрлэгчдийн бүтээгдэхүүнээс хүч чадал, эдэлгээ, урт наслалтаараа ялгаатай. Тодруулбал, цаг уурын эрс тэс нөхцөлд ажилладаг (тухайлбал, жилийн турш агаарын температур нь -45-аас +45 хооронд хэлбэлздэг Якутад), ямар ч чанарын түлш хэрэглэх чадвартай, энгийн конструкцтай учир засвар үйлчилгээ хийхэд хялбараас гадна засвар үйлчилгээ авах өндөр чадвартай.

Оросын тээврийн хэрэгсэл үйлдвэрлэгчид нь төрөл бүрийн автобус, хотын үйлчилгээний тээврийн хэрэгсэл, түргэн тусламжийн машин, түүнчлэн аливаа бизнест зориулсан олон зуун төрлийн тусгай тоног төхөөрөмж бүхий тээврийн хэрэгсэл үйлдвэрлэх цогц шийдлээрээ ялгардаг.

Монгол, Оросын хуурай газрын урт хил нь тээвэр, логистикийн асуудлаа төмөр замаар ашигтай шийдвэрлэх боломжийг олгодог.

Үйлдвэрүүдийн талаарх мэдээлэл:

Горькийн автомашины үйлдвэр нь ашиг олох зорилгоор аж ахуйн үйл ажиллагаанд ашигладаг тээврийн хэрэгсэл үйлдвэрлэдэг Оросын автомашины тэргүүлэгч үйлдвэрлэгч юм. Ачаа болон зорчигч тээвэр, жижиг дунд бизнес, нийтийн болон хөдөө аж ахуйн үйлдвэрлэл, эмнэлгийн болон сургуулийн байгууллагуудад зориулсан тээврийн хэрэгсэл үйлдвэрлэдэг. Тухайлбал, 2.5-12 тонн жинтэй хөнгөн тэрэг, дунд оврын ачааны машин, 6-22 зорчигчийн багтаамжтай микро автобус. Үйлдвэрлэж буй техникийн үндсэн загварууд: Газель NN», «Соболь NN», «Газель NEXT», «Газон NEXT», «Садко NEXT», «Газель БИЗНЕС», «Соболь БИЗНЕС», «Валдай 8», «Валдай 12». Тус компани нь өөрийн инженерийн төв болон өндөр технологийн үйлдвэртэй. Автомашины үйлдвэрлэлд 583 аж үйлдвэрийн робот оролцож байгаа бөгөөд үйлдвэрийн үндсэн хэсгүүд 85% автоматжуулагдсан. Тус компани нь Нижний Новгород хотод байрладаг.

 «УРАЛ» автомашины үйлдвэр нь ачааны болон тусгай суудлын автомашин үйлдвэрлэдэг Оросын тэргүүлэгч үйлдвэрлэгчдийн нэг бөгөөд дизель түлш болон хийн түлшээр ажилладаг бүх дугуй хөтлөгчтэй болон тал дугуй хөтлөгчтэй олон төрлийн тээврийн хэрэгслийг санал болгож байна. Бүтээгдэхүүндээ худалдан авагчийн хэрэгцээнд зориулан 250 гаруй төрлийн өөрчлөлт оруулах боломжтой. Уралын үйлдвэр дээр 400 гаруй төрлийн тусгай техник болон тэдний үйл ажиллагааг өргөжүүлэх зориулалттай дагалдах хэрэгсэл үйлдвэрлэдэг. Бүтээгдэхүүнийг Орос болон бусад улс орнуудад нээсэн 30 гаруй борлуулалтын болон 150 гаруй засвар үйлчилгээний төвүүдийн сүлжээгээр дамжуулан борлуулдаг. Бид дэлхийн 40 гаруй оронд ачааны машинаа нийлүүлдэг ба Челябинск мужийн Миасс хотод байрладаг.

 «Автодизель» Ярославль моторын үйлдвэр нь дизель болон хийн хөдөлгүүр, консны аппарат, хурдны хайрцгийн Оросын тэргүүлэгч үйлдвэрлэгч юм. Тус компани нь Ярославль хотноо гурван үйлдвэртэй ба бидний үйлдвэрлэдэг ЯМЗ хөдөлгүүрийг Оросын аж ахуйн нэгжүүдэд үйлдвэрлэдэг 400 гаруй техникт суурилуулдаг бол моторыг суудлын болон бусад бүх төрлийн тээврийн хэрэгсэл, автобус, магистралийн галт тэрэг, уурхайн самосвал, онгоцны буудлын чирэгч, үр тариа хураагч, мод тээвэрлэх ачааны машин, экскаватор дээр суурилуулдаг. ЯМЗ хөдөлгүүрийн төрөлд нь 130-аас 800 морины хүчтэй дунд болон том оврын хөдөлгүүрүүд багтана. Мөн түүнчлэн «Автодизель» нь ЯМЗ хөдөлгүүрт суурилсан 60-аас 500 кВт-ын хүчин чадалтай «ЯМЗEnergy» цахилгаан станцуудыг 800 гаруй өөрчлөлт, тохиргоотойгоор үйлдвэрлэдэг.

Холбоо барих:

media@os-automotive.com