Европын орнууд цар тахлын хоёр дахь давлагаанд өртсөөр байна. Харин БНХАУ-д 50 өдөр дараалан дотоодод халдварласан тохиолдол бүртгэгдээгүй байна. Тэд цар тахлаас өмнөх амьдралдаа эргэн орж эхлэв.

Хятадад оюутнууд хичээлдээ явж, ажилтнууд оффистоо ажиллаж байгаа бол амралтын өдрүүдээр олон зуун мянган хүн аялж байна. Есдүгээр сарын сүүлчээс эхлэн БНХАУ тус улсад оршин суух зөвшөөрөлтэй гаднын иргэдээ хүлээн авч эхэлсэн. Өнгөрсөн оны нэгдүгээр сараас хойш тус улсад 85 мянга орчим хүн халдвар авч, 4.6 мянган хүн нас барсан. Харин сүүлийн саруудад нөхцөл байдал тун хэвийн байгаа юм. БНХАУ-ын Төрийн зөвлөл өнгөрсөн зургадугаар сард “Ковид-19”-тэй хийх тэмцэл: Хятадын үйл ажиллагаа” хэмээх Цагаан номоо хэвлэж, түүндээ вирусийг сөрөн зогсоход чиглэсэн стратегийн 126 зүйл заалтыг жагсаажээ. 

Түүнчлэн номонд  амжилтын гол хүчин зүйл нь иргэдийн сахилга бат, эв нэгдэл байсан гэдгийг онцолсон байна. Үүний зэрэгцээ төрийн хэвлэл мэдээллийн хэрэгслүүд БНХАУ-ын дарга Ши Жиньпиний гүйцэтгэсэн үүргийг онцолжээ.  Өнгөрсөн оны эхээр олон сая хүн амтай Ухань хот цар тахлын голомт болсон. Лабораториудын шинжилгээний үр дүнг судалснаар нэгдүгээр сарын сүүлчээр хатуу хөл хорио тогтоосон билээ. Нийтийн тээврийн хөдөлгөөнийг зогсоож, 10 сая хүн гэртээ тусгаарлагдсан юм. Ухань хот руу өөр бүс нутгаас эмч нар илгээж, дөрөвдүгээр сарын 26-ныг гэхэд коронавирусээр халдварласан бүх өвчтөн эмнэлгээс гарсан юм. Өөр бүс нутагт халдвар дахин дэгдсэн хэдий ч үүнийг маш хурдан хяналтдаа авч чадсан билээ. Түүнчлэн хилийн чинадаас ирж буй хүмүүст хатуу хяналт тогтоож, эмнэлгүүдийг тусгаарлах байр болгон хувиргасан юм. Цар тахлын эсрэг арга хэмжээг ийм хурдан, үр дүнтэй авч чадсаныг өмнө нь “SARS” өвчинтэй тэмцсэн туршлага хятадуудад байсантай холбон тайлбарлажээ. Түүнчлэн хяналтын систем тусалсан гэж үзэж байна. Хятадын алдартай хавсралтуудад эрүүл мэндийн код гэгдэх кодууд бий болсон бөгөөд үүгээр халдварын эрсдэл, халдварт өвчнийг тээгчтэй үүсгэж болзошгүй харилцаа холбоог үнэлэх боломжтой аж.

Хяналтын камераар амны хаалтаа зүүж буй эсэх, тусгаарлалтын дэглэмийг зөрчсөн хүмүүсийг хянажээ. Эрх баригчид хатуу хязгаарлалт тогтоож, иргэд түүнийг нь мөрдөхөд нь хяналт тавьсан нь вирустэй хийх тэмцэлд амжилт гаргах чухал нөхцөл болсон гэдгийг ажиглагчид онцолж байна. Гэсэн ч ажиглагчид өөр чухал хүчин зүйлийг дурдаж байгаа нь нийгмийн эв нэгдэл, ард түмний сахилга бат гэж үзэж байгаа юм. Хятадууд заавар зөвлөмжийг гүйцэтгэхэд дасаж, эрх баригчдадаа итгэжээ.  Жил бүрийн аравдугаар сарын эхний долоо хоног нь БНХАУ байгуулагдсаны ойн баярыг тохиолдуулсан амралтын өдрүүд байдаг бөгөөд аялал жуулчлалын алтан улирал юм.

Түүнчлэн үндэсний баяртай давхцан Намрын дунд сарын баяр тохиодог. Өнгөрсөн оны аравдугаар сарын эхний өдрүүдэд 425 сая хүн аялалд гарсан нь өмнөх оныхтой харьцуулахад 1.2 саяар бага байсан тухай тус улсын Соёл урлаг, аялал жуулчлалын яам мэдээлжээ. Ерөнхийдөө тус улсын аялал жуулчлалын алдартай байгууламжуудын ачаалал 75 хувьтай байгаа аж. Аялал жуулчлалын салбар аравдугаар сарын амралтын өдрүүдэд 312 тэрбум юанийн орлого авчиржээ.

Кинотеатрууд ч мөн үйл ажиллагаагаа сэргээж, хэвийн ажиллаж эхлээд байгаа юм. “Хязгаарлалтуудыг ерөнхийдөө цуцалсан. Зөвхөн метро, олон нийтийн тээврийн хэрэгслүүд, төрийн байгууллагуудад амны хаалтгүй явж болохгүй бөгөөд үүнтэй холбоотой дүрэм журмыг чанд сахиж байна” хэмээн Шанхайн оршин суугч Владислав Газин ярьсан байна. “Иргэд хэвийн амьдралдаа эргэн орж, эмнэлгүүдэд урт дараалал үүсэхгүй байгаа. Түүнчлэн интернэтэд эрх баригчид тоон үзүүлэлтүүдийг бууруулж хэлснийг нотлох дүрс бичлэг, зураг, бусад мэдээлэл тавигдаагүй. Иргэд урьдчилан сэргийлэх арга хэмжээнүүдэд тун нухацтай хандаж байгаа” хэмээн тэрбээр ярьсан байна.

Эх сурвалж: ӨГЛӨӨНИЙ СОНИН