...
...
  1. Нүүр
  2. Орон нутаг

ӨМНӨГОВЬ: "Соёл урлаг-Тогтвортой хөгжил" зөвлөгөөн эхэллээ

 386    2019-3-25

Өмнөговьчууд 2019 оныг салбарын хувьд "Соёлыг дэмжих жил" болгон зарласан. Соёлыг дэмжих жилийн ажлууд "Соёл урлаг-тогтвортой хөгжил" аймгийн соёлын ажилтны зөвлөгөөнөөр Даланзадгад хотноо өнөөдөр /2019.03.25/ эхэллээ.

Зөвлөгөөнд Монгол Улсын Засгийн газрын хэрэгжүүлэгч агентлаг Соёл, урлагийн газрын дарга Г.Эрдэнэбат болон аймаг сумын удирдлагууд, сумдын соёлын төвийн эрхлэгчид болон тус салбарынхан уран бүтээлчид оролцож байна. Соёл, урлагийн газрын дарга Г.Эрдэнэбат: Монгол Улсын Ерөнхий сайдын НИЙГМИЙГ СОЁН ГЭГЭЭРҮҮЛЭХ ХЭРЭГТЭЙ гэсэн уриалгыг бодит ажил хэрэг болгож "Соёлыг дэмжих жил-2019" -ийн хүрээнд олон шинэлэг ажлыг эхлүүлж буй Өмнөговьчуудад талархал илэрхийллээ. Мөн НҮҮДЭЛЧИН МОНГОЛ соёлын биет бус өвийг хамгаалах урлагийн их наадамд тэргүүлсэн "ӨМНӨГОВЬ ОТОГ" уран бүтээлчдийг алдаршуулан онцоллоо. "Соёлыг дэмжих жил"-ийн хүрээнд Соёл урлагийн салбар болоод уран бүтээлчдээ дэмжсэн 18 тэрбум төгрөгийн хөрөнгө оруулалтыг хийнэ. Тухайлбал аймгийн төвд Музей, ХЖТ-ийн барилгуудыг шинээр барьж ашиглалтад оруулах ба сумдын соёлын төвүүдийг засварлах, нэн хэрэгцээтэй хөгжим техник хэрэгслээр хангах улмаар ном уншдаг, өв соёлоо дээдэлдэг, нийтийн соёлыг эрхэмлэдэг аймаг болоход чиглэсэн ажлуудыг шат дараалалтай хэрэгжүүлнэ.

 386    2019-3-25
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.