...
...

Цэцэрлэгийн эрхлэгч, арга зүйч нар “Амны хөндийн эрүүл мэнд” сургалтанд хамрагдлаа

Нийслэлийн Засаг дарга бөгөөд Улаанбаатар хотын захирагчийн 2016-2020 оны үйл ажиллагааны хөтөлбөрт хүүхдийн амны хөндийн эрүүл мэндийг хамгаалах чиглэлээр тодорхой заалтыг тусган, хэрэгжүүлэн ажиллаж байна. Энэхүү ажлын хүрээнд 2018 оноос “Амны хөндийн эрүүл мэнд” сэдэвт гарын авлагыг боловсруулан хэвлүүлж, нийслэлийн төрийн өмчит Ерөнхий боловсролын сургуулийн 1-5 дугаар ангийн 3100 гаруй багшид  сургалт зохион байгуулж бэлтгэсэн юм.

 

 

Мөн холбогдох байгууллагуудад уламжлан ажилласны үр дүнд Ерөнхий боловсролын сургуулийн 2018-2019 оны хичээлийн жилд Эрүүл мэндийн хичээлийн сэдэвт багтаан оруулсан билээ. Уг ажлыг өргөжүүлэн хэрэгжүүлэхээр Нийслэлийн Засаг даргын А/1043 дугаар захирамжийг батлан гаргуулж, цаашид цэцэрлэгийн багш нарт зориулан “Амны хөндийн эрүүл мэнд” сэдэвт сургалтыг үе шаттайгаар зохион байгуулахаар төлөвлөсөн. Энэ хүрээнд 2019 оны нэгдүгээр сарын 22, 24-ний өдрүүдэд Баянзүрх, Сүхбаатар дүүргийн цэцэрлэгийн эрхлэгч, арга зүйч нарыг сургалтанд хамрууллаа.

 

 

Нийслэлийн Эрүүл мэндийн газраас санаачлан зохион байгуулж буй энэхүү сургалтанд Баянзүрх, Сүхбаатар дүүргийн ЗДТГ-ын мэргэжилтэн, дүүргийн эрүүл мэндийн төвийн шүдний кабинетийн эмч, өрхийн эмч, нийгмийн ажилтан зэрэг нийт 300 гаруй хүн оролцсон юм.

Хүүхдийн шүдний цоорол өвчин нь чих, хамар хоолойн үрэвсэлт өвчнөөс гадна 200 гаруй нэр төрлийн өвчний шууд шалтгаан болоод зогсохгүй хүүхдийн суурь өвчин, амьсгалын замын өвчлөлд дам шалтгаан болдог.   

 

 

 

 

Тиймээс АШУҮИС-ийн Нүүр ам судлалын сургуулиас 2017 онд хийсэн судалгаанаас үзэхэд, нийт хамрагдсан хүүхдийн 86 хувь нь шүд цоорох өвчин /ШЦӨ/-тэй байсан бөгөөд үлдсэн 14-хөн хувь нь л эрүүл шүдтэй гэж гарсан байна. Мөн уг өвчний тархалт сургуулийн өмнөх насны хүүхдийн дунд 86.2 хувь, сургуулийн насныхан дунд 86.1 хувьтай гарчээ.

Эх сурвалж: НЭМГ

Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ