...
...
  1. Нүүр
  2. Соёл урлаг

Рэпер GEE "Шилдэг татвар төлөгч" болжээ

 701    2017-12-11

Хип-хоп дуугаараа дамжуулан хэлэх үгээ хэнээс ч айхгүй шулуухан хэлчихдэг нэгэн бол рэпер GEE буюу Э.Мөнх-Эрдэнэ. Тэрээр: "Татвараас над руу утасдаад шилдэг татвар төлөгч боллоо гэхэд би СТА авснаас илүү баярласан. 2017 онд миний цэнхэр дэвтэр сайн бөглөгдсөн" хэмээн ярьсан байна. 

Дашрамд сонирхуулахад, тэрээр 2-3 жилийн өмнө өөрийн тухай 20 баримтыг фэнүүдийнхээ хүсэлтээр нийтэлж байсан билээ. Үүнд:

1. Хар нялхаараа цэргийн алба хаасан (5 настайдаа хохо) 
2. 10 жилийн хугацаанд 7 сургууль дамжсан. ( Өвөрхангай, 53, 44, 3, 80, 36, 81 ) 
3. Ахлах ангидаа реп бүжгийн хамтлагт байсан. ( 1 -р хороолол) 
4. 8 төгсөхдөө улаан шугамны дээхэн их ойрхон жагссан. ( 89 ) 
5. 10 төгсөхдөө ангийнхаа багшийн хичээл дээр л ганц С-тэй гарсан. Бусад нь А, В ( геометр )
6. РТДС-д конкурс өгөөд 1-т жагссан. (Хурган бэлдсэний хүчээр) 
7. 1-р курсэд эхний семистртээ 3 шалгалтанд унаж хөөгдөнгөө алдсан. (Магтсан хүүхэн пффффффф) 
8. Багын найзуудтайгаа ТОГЛООМОНД ХОЖИГЧ нэртэй хип хоп хамтлагт рэп хийдэг байсан. (Сайхан үе) 
9. Анхны хайрдаа навс хаягдсан. Хохо ( намайг хаяад өөр залуутай яваа наасссссс ) 
10. Анхны цалин 100.000 төгрөгөө аваад машинтай бүх найзууддаа бензин хийж өгч байсан. (Тэр үед литр бензин 250 төгрөг байлаа) 
11. Сургуулиа төгсөн дээд мэргэжилтэн болсон ч 1 жилийн хугацаанд эксель машинаар халтуур хийдэг байв. (2005 он) 
12. Зурагтад ээжтэйгээ дэлгүүр түрээслэж өөрөө худалдагч хийдэг байсан. (Бас л ядардаг ажил шүү) 
13. Бөмбөгөрт ундааны лангуунд ачигч хийж явлаа. (Та нар миний таазанд тултал өрсөн ундаануудыг харсан ч болоосой) 
14. Анх 100.000 төгрөгөөр 11-р сургуулийн хичээлийн шинэ жилийн нээлтэн дээр дуулж байв. (Лил төөгий дүүгийн захиалгаар хохо) 
15. Оникстой хамтарсан тоглолтын тайзан дээр 3 хоног унтаагүйгээсээ болж ухаан алдах шахаж байв. (Хэнд ч мэдэгдээгүй зальжин :)) 
16. Тулааны спортыг шимтэн сонирхогч. (Мөн хичээллэгч) 
17. Булчингаа чилээж кайф авдаг. (Миний дур) 
18. Биеийн жингээрээ тоглох дуртай ( 1 сард 96 кг байсан бол 5 сард 85 кг одоо 100 кг байна) 
19. 5 цомог гаргасныгаа зөвхөн эхлэл гэж боддог. (Аая) 
20. Удахгүй нэг хөөрхөн юм хийнэ. (Цаг нь болохоор мэдээрэй)  хэмээн бичиж байсан билээ.

Ингээд 2017 оны "ШИЛДЭГ ТАТВАР ТӨЛӨГЧ" болсон Рэпер GEE-дээ баяр хүргэн, уран бүтээлийн өндөр АМЖИЛТ хүсье. 

Д.Мөрөн

Эх сурвалж: Breakingnews.mn

 

 

 701    2017-12-11
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.