...
...
  1. Нүүр
  2. Спорт

ДАШТ-д өнөөдөр манай дөрвөн бөх зодоглоно

 1956     3   2017-8-23

Францын нийслэл Парист болж буй чөлөөт бөхийн насанд хүрэгчдийн ДАШТ-ий эмэгтэйчүүдийн 55, 58, 63, 75 кг жингийн барилдаан  өнөөдөр болно. 

Урьдчилсан болон дагах барилдаан өнөөдөр монголын цагаар 16:00 цагт эхлэх юм.

55 кг-ын жинд Эрхэмбаярын Даваачимэг эхний тойрогт ДАШТ-ий хүрэл медальт, 23 хүртэлх насны Европын хошой аварга Украины Татьяна Киттэй оноолт таарчээ. Түүнийг дийлвэл Турк, БНСУ-ын бөхчүүдийн ялсантай барилдана. 

58 кг-д ОУХМ Алтанцэцэгийн Батцэцэг эхний тойрогт Казахстаны Гульшахарат Талассоватай хүч үзэхээр боллоо. Түүнийг ялбал энэ жилийн Европын аварга Норвегийн Грейг Буллен, Нигерийн Аминат Олувафунмилао нарын ялсан нь хүлээж байна.

63 кг-д ОУХМ Пүрэвдоржийн Орхон эхлээд Энэтхэгийн Шилпи Шерантай хүч үзнэ. Түүнийг дийлбэл Швед, БНСУ-ын бөхчүүдийг ялсантай барилдахаар сугалаа татжээ. П.Орхон тун боломжийн сугалаа татсан бөгөөд түүний хэсэгт Болгарын Тайбе Юсейн, Японы Юкако Кавай нарын шилдгүүд байна. 

75 кг-д ОУХМ Ган-Очирын Уртнасан эхний тойрогт эзэн орны Чарлин Мэдисон Домингестэй барилдахаар болжээ. Түүний хэсэгт ДАШТ-ий медальт, Украины Екатерина Бурмистрова, ОХУ-ын Алена Перепелкина, Эстонийн Эпп Маэ, Бразилын Да Сильва Феррейра, Азийн аварга Японы Хироэ Сүзүки, Европын аварга Туркийн Ясемин Адар тэргүүтэй шилдгүүд “багтжээ”.

Тамирчиддаа амжилт хүсье. 

Ө.Уранзаяа

Эх сурвалж: Breakingnews.mn

 1956     3   2017-8-23
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (3)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.