...
...
  1. Нүүр
  2. Орон нутаг

Хөвсгөл нуур орчмын бохирдлыг бууруулах ажлын хэсэг байгуулав

 374    2017-7-18

Аялал жуулчлалын улирал ирсэнтэй холбогдуулан хоймор нутгийг зорих жуулчдын тоо эрс нэмэгдсэний улмаас Хөвсгөл нуурын ойролцоох орчин хог хаягдлаар дүүрч гамшгийн хэмжээнд хүрэх эрсдэл ойрхон байгаа тул аймгийн Засаг дарга Л.Ганболд Засаг даргын зөвлөлийн хуралдаанаар Хөвсгөл нуур орчмын бохирдлыг бууруулах ажлын хэсгийг байгуулж шаардлагатай араг хэмжээг түргэн шуурхай авч ажиллах үүрэг өглөө.

Хөвсгөл нуур орчмын бохирдлыг бууруулах ажлын хэсгийн ахлагчаар Газрын харилцаа, барилга хот байгуулалтын газрын дарга Н.Бямбадоржийг томилжээ. Ажлын хэсэг нуурын орчмын газраар хууль хяналтын байгууллагын төлөөлөл бүхий холбогдох байгууллагынхантай хамтран өнөөдрөөс хяналт шалгалт хийж 5 хоног ажиллахаар боллоо.
Баяр наадмын өдрүүдэд Хөвсгөл нуурт өдөрт 10 мянга гаруй иргэд ирж байсан бол өнөөдийн байдлаар өдөрт 6000 орчим иргэд байнга ирж, явж байгаа гэнэ. Жуулчны бааз, дэн буудлууд хүн дүүрсний улмаас иргэд Хөвсгөл нуурын эрэг дагуу, зарим иргэн тусгай хамгаалалттай газруудад дураараа бууж амарч, зугаалж байгаа төдийгүй явахдаа хог хаягдлаа орхин орчноо бохирдуулсаар байна.

 374    2017-7-18
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.