...
...
  1. Нүүр
  2. Нийгэм

Ж.Оюунболор: Эр хүйстэй ч гэлээ байгалиасаа өөрийгөө эмэгтэй гэж мэдэрдэг

 58358     123   2017-3-22

Дэлхийн хөгжингүй улс оронд ижил хүйстэн болон трансжендер  хүмүүсийг хүлээн зөвшөөрөх нь харьцангуй  гайгүй байдаг. Үүнийг зөвөөр хүлээж авч ойлгох хүмүүс олон.

Харин манай улсын хувьд эдгээр хүмүүсийг буруу үлгэр дуурайлал үзүүлдэг, гаж сэтгэлгээтэй хэмээн жигшиж зэвүүцэх хүмүүс олон байдаг. Өөрөөр хэлбэл эдгээр хүмүүсийг хүлээн зөвшөөрдөггүй.

Монгол улсад олонд ил тод болсон Трансжендер Ганбууш, Солонго, Амина гэх хүмүүсийг ойлгож хүлээн авах хүмүүс байхад садар самуун сурталчлагчид гэж үзэх хүмүүс ч  олон байдаг.

Бид энэ удаагийн ярилцлагаар Ж.Оюунболор гэх хүнтэй ярилцлаа. Тэрээр өөрийгөө байгалиасаа эмэгтэйлгээр мэдэрдэг нэгэн бөгөөд трансжендер хүн юм.

Энэ ярилцлагаар Трансжендер хүмүүсийг шүүмжлэх гэсэнгүй. Манай нийгэмд ямар хүмүүс байгааг, тэд юу бодож явдаг талаар уншигч танаа сонирхуулахыг зорилоо.

 

-Сайн байна уу? Та өөрийгөө эмэгтэй хүн гэж мэдрээд  хэр удаж байна вэ?

-Сайн байна уу? Намайг Ж.Оюунболор гэдэг.  Трансжендер хүн бол 100 хувь  эмэгтэйлэг сэтгэлзүйн дархлаатай байдаг.

Бүр багийн л өөрийгөө эмэгтэй хүн гэж мэдэрдэг байсан. Айлын гурван хүүхдийн хамгийн бага нь.

 Гэхдээ одоо бодоход: 12 настайгаасаа эхлээд бүр сайн мэдэрч эхэлсэн. Хэнтэй ярих уу хэнд юу гэж ойлгуулах уу, хэнд сэтгэлээ нээх вэ гээд цаанаасаа мэдрэгдэж шаардагддаг байсан.

-Найз охинтой байсан үе бий юу?

-Байхгүй. Найз охинтой болъё гэж бодож ч байгаагүй. Гадуур сургуульд явахдаа хүмүүсийн анхааралд их өртдөг байсан. Ихэвчлэн найз нөхдийнхөө. Манай найзууд доромжлохоосоо илүү хурдан охин бол гэж хэлдэг байлаа.

Надад найз нөхөд зөндөө бий. Миний найзууд бусдын л адил жирийн охид хөвгүүд. Над шиг бэлгийн цөөнх талтай хүн байхгүй.

Би ихэвчлэн эмэгтэй найзуудынхаа сайн зөвлөгч дотнын найз нь байж чаддаг гэж боддог.

-Цаашдаа ер нь хүйсээ солиулъя гэж боддог уу, Энэ талаар ямар бодолтой байваг вэ?

-Боддог. Мэдээж солиулна. Энэ талаарх мэдээлэл эмнэлэг зэргийг судалж байгаа.

20-д трансжендер хүмүүс их байдаг гэсэн судалгаатай юм байна лээ. Эдгээр хүмүүс дотроос өөрчлөлтөд орж амжаагүй хэрнээ олонд ил тод болсон хүн бол би байна.

-Трансжендер Солонгоог юу гэж боддог вэ?

-Солонго гэж хүнийг би даган дуурайдаггүй. Яагаад гэвэл тэр хүний амьдрал миний амьдрал хоёр бол өөр өөр ертөнцтэй. Ихэнх трансжендер хүмүүс  мөнгө олох гэсэн зорилготой, хүний нэр төрд их халддаг, худлаа даган дуурайгчид байдаг гэж сонсож байсан.

-Яг аль трансжендер хүнийг хэлээд байна?

-Яг тэр гэж хэлж мэдэхгүй байна. миний эргэн тойронд ийм мэдээлэл гарсан байсныг сонссон. Энд тэнд зодоон хийж яваа хүмүүсийг трансжендерүүд байдаг гэж хэлэх нь үнэхээр соёлгүй бүдүүлэг сонсогддог.  Би таних трансжендер хүн Солонгоогоос өөр байхгүй.

-Өөрөө ер нь эрэгтэй хүн сонирхдог гэсэн үг юмуу?

-Сонирхдогтой гол нь биш ээ. Төрмөл хүйс минь эр гэлээ ч байгаль эх, хувь төөрөг намайг эмэгтэй хүн гэдгийг өглөө бүхэн надад мэдрүүлдэг. Надад эр хүн илүү дотно санагддаг.

Өөрөөр хэлбэл эмэгтэй хүн эрэгтэй хүнийг яаж сонирхож хардаг билээ яг түүнтэй адил.

 

-Ижил хүйстэн хүмүүсийн цуглаанд явж байсан уу?

-Тийм цуглаанд очдоггүй. Миний бодлоор өөрийгөө хуурч, аргаа ядсан хүн л тэр цуглаанд очдог байх.

Интернэтээр бүх мэдээллээ авдаг. Олонд яаж өөрийгөө зөвөөр ойлгуулах талаар хүнээс зөвөлгөө авч байсан. Бусдаар бол бүхнийг өөрөө хийж явна.

-Өөрийг тань бусад хүмүүс ойлгохгүй, гаж буруу үлгэр дуурайл авагч хэмээх үе хэр их тохиолдож байсан бэ?

-20-д ижил хүйстэн залуучууд их байдаг гэж сонссон. Хоёр талдаа байдаг ижил хүйстэн залуучууд ч байдаг гэж сонссон. Харин Трансжендер хүмүүс их цөөхөн байдгаас гадна нуугдмал байдаг. Олны хэллэгээр бол “Гомо” энэ бол эр эмтэй хоёулантай нь явалдагч гэсэн утгатай.  Трансжендер хүмүүс бол огт өөр, эр хүснээс эм хүйс рүү очих төгс бүрэлдсэн хүмүүс юм.

-Эрэгтэй хүн таныг эрэгтэй хүн сонирхдог гэдгийг тань мэдээд ямар хариу үйлдэл үзүүлдэг вэ?

-Эрэгтэй хүмүүс сонсож мэдээд ихэнхдээ дургүйцэж хүлээж авдаг. Тухайлбал, ямар заваан юм бэ? Эрэгтэй хүний нэр төр гутаасан юмнууд, гомо, манин гэх нь цөөнгүй.

Гэхдээ эмэгтэй хүнээс илүү эрчүүд энэ талаар сонирхож таашаал авах гэдэг.

-Та найз залуутай юу?

-Байсан. Найз залуутайгаа үерхээд 2 жилийн дараа салсан. Одоогоор уулзаж байгаа хүн байхгүй.

-Ямар мэргэжилтэй вэ?

Гоо сайхны массажист, маке апп артист хийдэг.

-Тэгвэл та гомо биш цэвэр эмэгтэй хүний сэтгэлгээтэй, трансжендер хүн гэсэн үг үү?

-Хүний орчлонд мэндлэхдээ хүн гэдэг амьтан эцэг эх, хүйсээ сонгож төрдөггүйн нэгэн баталгаа энэ гэж л хэлж чадах байна.

-Энэ талаар хүмүүс ямар ойлголттой,яаж хүлээж аваасай гэж боддог вэ?

Өөртөө итгэлтэй,өөрөөрөө байна гэдгийг зөвөөр ойлгоосой. Трансжендер хүн гэдэг бол төрөлхийн бүр байгалиасаа эмэгтэй хүний мэдрэмжтэй төрдөг гэдгийг зөвөөр ойлгож хүлээж аваасай гэж хүсдэг.

-Өөрийгөө гурван үгээр илэрхийлбэл?

Гоо үзэмж бурхны бүтээл, өөрийгөө бүтээх оюунлаг хүн гэж тодорхойлно.

Тэсвэр хатуужилтай эмэгтэй хүний тод жишээ, царай муутай эмэгтэй хүн байдаггүй гэх үгийн эсрэг байж, сувд шиг үнэ цэнэтэй эмэгтэй хүнээр тэнцвэртэй амьдрахыг хүсдэг.

-Гадуур гарахдаа эмэгтэйлэг хувцасладаг уу?

Гадуур алхаж байхад эрчүүд их сонжиж хардаг. Зарим эмэгтэйчүүд намайг хараад ямар гоё биетэй юм бэ? Жингээ яаж барьдаг вэ? гэж их асуудаг.

Эрчүүдэд таалагдах гэж ингэж хувцасладаг. Эрчүүдэд таалагдах гэж сайхан биеээрээ онгирдог гэх мэтээр хэлдэг. Үүнийг сонсоод огтхон ч эмзэглэдэггүй. Харин ч үүнийг сонсоод урагшаа тэмүүлж, хурцлагдаж явах нь миний зорилго.

-Өөрийгөө яагаад эмэгтэйлэг мэдрэмжтэй байгаад байна аа гэж гайхаж байсан тохиолдол бий юу? Ийм болсондоо харамсах тохиолдол гэж байх уу?

-Энэ амьдралдаа харамсдаггүй.  Зөвхөн энэ амьдралаараа амьдарч, үлгэр жишээ ч сайхан эмэгтэй байхыг хүсдэг.

Эх сурвалж:Breakingnews.mn

Б.Оюунжаргал 

 58358     123   2017-3-22
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (113)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.