Монголбанкны Захирлуудын зөвлөл өнгөрсөн долоо хоногт хуралдаж БОДЛОГЫН ХҮҮГ 10.5 хувиас 4.5 хувиар нэмэгдүүлж 15 ХУВЬ  болгох шийдвэрийг гаргасан билээ. Ингэснээр Монголбанк түүхэн дэх хамгийн өндөр хувиар бодлогын хүүгээ өсгөсөн үзүүлэлт болов.  Хэдий  бодлогын хүүг өсгөсөн нь нэг талд  дампуурч буй банкуудыг аврах  үйлдэл мэт боловч нөгөө талд иргэд, ААН-үүдэд хохиролтой шийдвэр юм. Учир нь бодлогын хүүгийн түвшин хэр байхаас хамаарч арилжааны банкуудын зээлийн хүү тогтдог учиртай.

Үүнтэй зэрэгцэн  "Монгол Улсад салбараа нээгээд, үйл ажиллагаагаа явуулах хүсэлтэй байгаа гадны дөрвөн банк хүсэлт тавиад байгаа тухай Ерөнхий сайд Ж.Эрдэнэбат мэдээллэсэн.   Тэдгээрийн нэг нь “Bank of china” байгаа юм. Засгийн газар  эдгээр банкуудад судалгаа тооцоо сайн хийсний эцэст шийдвэр гаргана” гэв. Бодлогын хүүгээс улбаалж цаашид арилжааны банкууд зээлийн хүүгээ тодорхой хэмжээгээр өсгөх нь лавтай.

 Эдийн засагч  Д.Ангарын  үзэж байгаагаар “Бүх зээлийн хүүг дээш нь 4.5%-р татна. Засгийн газрын бонд ч нөлөөлнө. Бодлогын хүүг 4.5%-р өсгөж 15%-д хүргэх нь банкны секторт ашигтай. Харин бусад аж ахуйн нэгж, иргэдэд маш халтай. Бүх зээлийн хүүг дээш нь 4.5%-р татна. ЗГ-ын бонд ч нөлөөлнө. Бизнесийн зээл 25% байсан бол одоо 30%-д хүрнэ гэсэн үг” хэмээв.

Тиймээс энэ цаг үед иргэдийн гол хүсэл нь гадны банкуудыг оруулж ирэхийг ихээхэн дэмжиж буй юм.  Монголд Bank of China-ийн салбар байгуулагдах асуудал яригдах үеэс л эдийн засагчдын зүгээс гадны банк орж ирвэл дотооддоо өрсөлдөөн бий болно.  Цаашлаад дотоодын банкны мөнгөн дүнгийн хэмжээ, олгож буй зээлийн хувь хүүгийн хэмжээ, цаг хугацааны хувьд өрсөлдөх чадваргүй болно. Энэ бол манай эдийн засгийн дорой байдлыг ашиглаж буй хэлбэр"  гэж хэлж байсан бол иргэд үүний эсрэг байр суурьтай байгаа юм. 

Ингээд  иргэдээс гадны банкуудыг оруулж ирэх нь зөв эсэхийг тодрууллаа.

Иргэн А: Яаралтай гадны үйл ажиллагаа нь гольдролдоо ороод тогтчихсон банк оруулж ирэх нь зөвөө. Манай төрийн байгууллага, банкуудтай цус холилдчихоод яаж улсаа дампууруулж байгаад цаашид тэвчих аргагүй. Энэ маягаар хугацаа алдвал Монгол улс гэж үгүй болж байна шүү дээ.

Иргэн С: Төрийн удирдлагууд Монголын банкууд өрсөлдөгч банк байхгүй болохоор дэндүү монополдож байгааг биднээр хэлүүлэлтгүй мэдэж байгаа шүү дээ.Монголын банк дампуурна гэж банкныхан өөрсдөө хэлж байгаа биз дээ. Монголын ард түмнийг шулж мөлжиж ханахгүй байгаа байх л даа. Манай улс дэлхийн хөгжилтэй орнуудын жишгээр л явах хэрэгтэй.Тэгэхгүй бол ард түмэн ядуурлаас гарч улс орон маань хөгжихгүй. Хэдхэн тооны хүмүүс хагартлаа баяжиж яаж мөнгөө үрэхээ мэдэхгүй галзуурч байна шүү дээ. Өөрчлөлтийг зоригтой хийж улс орноо Сингапур шиг хөгжүүлэх хэрэгтэй.

Иргэн Ж: Гадны банкийг оруулж ирэх нь зөв. Манай банкууд дэндүү монополь тогтоочихоод Төрийн эрх баригчдын бодлого шийдвэрийг няцааж өөрсдийн эрх ашгийг бодож ард түмнийг ядууруулан сөхрүүлж, Монгол улсын эдийн засгийг доройтуулж байна.

Иргэн Г: Гадны банкууд орж ирэх нь зөв. Манай байгаа банкууд ч гэсэн нэр нь монгол болохоос гадны хөрөнгө оруулалттай шүү дээ. Хэдхэн баян айлыг ажил хийлгэхгүй амьдруулахын төлөө л Монгол улс тэр чигээрээ хөдөлмөрлөж байна. Үүнийг зогсоох цаг болсон.

Иргэн С: Өөрсдийн банк гээд ажиллаж байгаа банкууд нь сайн байгаа нь хаана байна аа, жаахан ажиллаж байгаад л хүмүүсийг хохироогоод л татан буугдана, жинхэнэ стандартаар ажилладаг гадны банк орж ирвэл орж ирж л байг, би лав тэр банкаар үйлчлүүлнэ.

Иргэн Ж: Гадны банк орж ирэх нь Монголчуудын болон дотоодын банкнуудын сүйрэл дампуурал биш. Харин ч банкууд шинээр сэтгэн өөрчлөгдөн эрүүлжиж, иргэдийн бизнес сэтгэхүй хөгжин сайжирч өөдлөн дэвжихийн эхлэл байх болно. Иргэд гадны банкнаас боломжийн шалгуур үзүүлэлт, нөхцөлтэй бага хүүтэй зээл авч баярлаад найрлаад идээд уугаад суух гээгүй. Харин тодорхой баялаг бүтээх бизнес эрхлэх, ирээдүйд хэрэглэх хуримтлал, үр хүүхдэдээ үлдээх хадгаламжтай болох, өөрсдөдөө зохицох үл хөдлөх хөрөнгөтэй болохын төлөө хариуцлагатай шамдан ажиллах хүсэл зорилгынхоо төлөө зүтгэх болно. Харамсалтай нь энэ хүсэл зорилгыг элдэв шалгуур үзүүлэлтээр хэдхэн банкууд хааж боогоод байгаа билээ.

Иргэн Ө: Гаднаас хамгийн бага хүүтэй ажиллах банкийг шалгаруулж оруулах хэрэгтэй. Ипотекийн 8% руу шилжүүлж өгөхгүй байгаа Төрийн банк мэтийн банкыг  татан буулгах хэрэгтэй. Зээлээ аваад өчнөөн жил хүү төлөөд эргэн төлөлтөө хийгээд явж байгаа харилцагчаа 8% руу шилжүүлж өгөхгүй байна шүү дээ. Автоматаар шилжүүлсэн ч болно. Журмандаа тусгах хэрэгтэй шүү дээ. Ипотек рүү шилжихээр дахиад 1% ий нь авч байгаа нь бас л ард иргэдийг шулаад л барагдахгүй байна. шдэ. Арай ч дээ. Ийм төрийн бодлого байх гэж. Орон сууцны зээлэнд хамрагдахдаа төлсөн 600 орчим мянган төгрөгийг дахин төлж байж ипотек рүү шилжиж байгаа юм билээ.Төрийн эрх баригчид нь банкныхаа эрхшээлд орчихсон. Ард түмнийг шулж л байвал болоо.Ард түмний төлөө дуугарах хүн байхгүй болсон байна шүү дээ.

Б.Алтжин

Эх сурвалж: Breakingnews.mn