...
...
  1. Нүүр
  2. Эдийн засаг

Шинэ орон сууцны үнэ ТАВДУГААР САРД өсчээ

 1777    2016-6-13

”Монголбанк", “Тэнхлэг зууч” компанитай хамтран 2016 оны 5 дугаар сарын “Орон сууцны үнийн индекс”-ийг тооцоолон, танилцуулж байна. Энэхүү тооцоо, судалгаанд тухайн сард зах зээлд нийлүүлэгдсэн шинэ, хуучин 5,006 орон сууцны үнийг хамруулсан болно. 

2016 оны 5 дугаар сарын байдлаар орон сууцны үнийн индекс өмнөх сараас 0.1%-иар, өнгөрсөн оны мөн үеэс 11.4%-иар тус тус буурчээ.

Тухайн сард зах зээл дээр өндөр өртөг бүхий шинэ орон сууц нийлүүлэгдсэнтэй холбоотойгоор шинэ орон сууцны үнэ өмнөх сараас бага зэрэг өссөн ч хуучин орон сууцны үнэ үргэлжлэн буурсан нь орон сууцны үнийн индексийг бууруулахад нөлөөлжээ. 

2013 оны 1 дүгээр сараас эхлэн орон сууцны үнийн индексийг тооцсон бөгөөд орон сууцны үнийн жилийн өсөлт 2014 оны 3 дугаар сард хамгийн өндөр буюу 23.7%-тай гарсан байна. 2014 оны 12 дугаар сараас орон сууцны үнэ (өмнөх оны мөн үетэй харьцуулахад) буурч эхэлсэн бөгөөд орон сууцны үнийн бууралт үргэлжилсэн хэвээр байна.

Жишээ: БЗД-ийн “Баянзүрх” хотхонд 2015 оны 5 дугаар сард 1 м2 дундаж үнэ 1,613,000 төгрөг байсан бол 2016 оны 5 дугаар сарын байдлаар 1,411,000 төгрөг болж, өмнөх оны мөн үеэс 12.5%-иар буурсан байна. 

Шинэ орон сууцны үнэ

Шинэ орон сууцны 1м.кв дундаж үнэ нь 2016 оны 5 дугаар сарын байдлаар 2,040,000 төгрөг болж өмнөх сараас 0.7 хувиар өссөн бол, өнгөрсөн оны мөн үеэс 6.1 хувиар буурсан байна. Сүхбаатар дүүрэгт шинэ орон сууцны 1м.кв-ийн дундаж үнэ хамгийн өндөр байгаа бол Сонгино хайрхан дүүрэгт хамгийн бага байна. 

Хуучин орон сууцны үнэ

Хуучин 2 өрөө байрны дундаж үнэ3 нь 2016 оны 5 дугаар сарын байдлаар 79,869,000 төгрөг болж өмнөх сараас 0.2 хувиар, өнгөрсөн оны мөн үеэс 15.3 хувиар тус тус буурсан байна. 

Сүхбаатар дүүрэгт хуучин 2 өрөө байрны дундаж үнэ хамгийн өндөр байгаа бол Сонгино хайрхан дүүрэгт хамгийн бага байна. 

 

 

Ш.Аагий

Эх сурвалж:Breakingnews.mn

 1777    2016-6-13
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.