...
...
  1. Нүүр
  2. Улстөрч

Л.Гүндалай "урлаг"-ийн салбарт хүч үзжээ

 1064     12   2016-2-2

Л.Гүндалайгийн "Монголоороо байгаасай" анхны клип дөнгөж өчигдөрхөн олон нийтийн сүлжээгээр цацагдлаа. Өвөр монголын ая зохиогч Баян, яруу найрагч Цогжилт нарын шүлгээр бүтсэн энэхүү дууг 2012 онд "Хар сарнай"-ийн Амараа дуулж байсан санагдах юм. 

Түүний шинэ уран бүтээл өөрт нь тун таалагдаж байгаа гэнэ. "Чадахгүй бол чацга царайлаад яв" гэх шинэ трэнд үгнээсээ хойш тун ч удалгүй улс төрчдийг уран бүтээлээрээ өрсөлдөх "challenged" бараг л дуудчихлаа. Уг нь ч Л.Гүндалай анхдагч биш л дээ. Шинэ оны өмнөхөн УИХ-ын гишүүн Г.Уянга "дэвэн дүүлэх шувуухай чи, далавчгүй бол тэнгэрт яанам бэ" хэмээн уянгалуулан дуулж байсан. Тэгэхээр Г.Уянга гишүүнийг дууны "challenged" дуудсан гэж ойлгосон юм уу, яасан юм ямартай ч шинэхэн клипээ цацчихлаа.

За тэгээд их сонгуулийн жил гэдэг хэлгүйг хэлд оруулж, хөлгүйг хөлд оруулдаг "шидтэн" гэсэн л үг. Ажиглаад байхад С.Жавхлан, Д.Сумъяабазар, Б.Бат-Эрдэнэ гээд урлаг, спортыхныг улс төрд хүч үзэхэд "дуугаа дуулж, бөхөө л барилдвал барав" гэж байж билээ. Харин улс төрчид маань улс төрөөсөө уйдаа юу гэлтэй ийнхүү урлаг руу хошуурах болжээ. Удахгүй хэн нэгэн гишүүн "дуу дуулж, бүжиг бүжив" гэхэд бид "өө тэгээ юу" гээд нээх гайхахааргүй л боллоо. 

Харин Л.Гүндалай шинэ уран бүтээлийнхээ талаар өөрийн твиттэр хуудсандаа "За тэр миний сур харвадаг хэсгийг гайхаад байх шиг байна. Уг нь битгий чацга царайл гэсэн үг юм шүү дээ. Та нар мулгуу юм", "Намайг клипэн дээрээ инээсэнгүй гэж байна. Инээхээр би жоохон мэдрэл муутай харагдаад байдаг юмаа. За инээхгүй байсан ч ялгаагүй дээ хэхэ", "Надад монгол хувцас зохихгүй чавганц царайлаад гэж байна. Хуц за, тэр Жагаадаа өмсгөөд үзэхгүй юу тэгвэл", "Миний клипний оргил хэсэг нь тэр уул гэхэд уул гарч, цай гэхэд цай гарч байгаа санаа юм шүү дээ. Харин тэр морь гэхэд морь харах байсан юм", "Хар сарнайгийн Амарааг мөнгөөр цохиж дуулуулсандаа. Би нь ер нь мөнгө цохиж юм хйих дуртай. Мөнгө бид 2-оор цохиулах хүүхэн бвал дм нээлттэй", "Майкл Жексон хүртэл анхны клипэн дээрээ сандарч л байсан. Та нар зүгээр үзчих л дээ, лайк дар" гэх мэт бичжээ. 

Ямар ч байсан цаашид хичнээн гишүүд урлаг руу урвахыг би байтугай та бүхэн ч таашгүй билээ.

Б.Энх-Уянга

 

 1064     12   2016-2-2
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (12)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.