...
...
  1. Нүүр
  2. Нийгэм

ОЛОН ӨНГӨ: Гэгээн дурсгалд

 223    2019-10-10

Нэлээн олон сарын өмнө ард иргэдийг түүхий нүүрс хэрэглэхийг хориглох Засгийн газрын 62-р тогтоол гарснаар “Таван толгой түлш” ХХК-ийн “Сайжруулсан түлш” хэмээх утаа униар бага түлш үйлдвэрлэж 25 кг түлшийг 3750 төгрөгөөр борлуулах ажлыг хийж гүйцэтгэсэн билээ. Бүгд энэ өвөл юу болох бол хэмээн хүлээж байсан нь мэдээж.

Цаг агаар тэрхүү “сайжруулсан” түлшний “эрдэм”-ийг хараахан харж амжаагүй байтал өөрийн юу чадах аа харуулчихлаа гэхэд нэг их буруудахгүй биз. Нийслэлчүүд бүхнийг айдаст автуулж буй уг түлш энэ сарын 4-9 хооронд 122 иргэнийг хордуулж зургаан хүний алтан амийг аван одлоо. Ард иргэд “Бид айж байна. Шөнөдөө бүтэн нойр авахаа болилоо, өдрийн цагаар түлж байна даа сэрүүн хүн аргатай биз шөнө орой түлж зүрхлэхгүй л байна хэмээн” ярьцгааж байна. Улаан ууттай аймшигтай тэр түлшийг алуурчин харж байгаа мэт зүхэх болов.

Гэр бүл, үр хүүхэд, ижий аав бүхнийхээ төлөө ажиллаж амьдарч байгаа бид өглөөг угтахын хүслэн болж амарна. Хэн нэгэн хариуцлага хүлээж нийгмийн айдсыг замхруулах сайхан үе ирнэ хэмээн найдна. Ихийг хийж бүтээх насан дээрээ яваа залуусыг хуйгаар аван одох вий. “Цуврал алуурчин” гэмээр энэ түлшээ зогсоож нийгмийн сайн сайхны төлөө 62-р тогтоолоо эргэн харж өөрсдийн бий болгосон буруутай үйлдлээ засан залруулж нийгмийг айдсаас аврахыг эрх баригчдаас хүсье.

Энэхүү харамсалтай үйл явдлын золиос болсон талийгаач нарт гүн эмгэнэл илэрхийлье.

 223    2019-10-10
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.