...
...
  1. Нүүр
  2. Соёл урлаг

Сурагч Ц.Мөнххүслэн таныг ҮҮЛСИЙН ГҮНЭЭР аялуулна

 380    2019-9-20

Баянгол дүүргийн Шинэ эхлэл сургуулийн 12б ангийн сурагч Ц.Мөнххүслэн “Үүлсийн гүнд” сэдэвт өөрийн уран бүтээлийн үзэсгэлэнг энэ сарын 17-ны өдөр Хүүхдийн урлан бүтээх төвд гаргалаа. Ц.Мөнххүслэн нь бага насандаа зурсан зургаараа альбом гаргажж сургуулийн багш, ангийн хамт олон нь дэмжлэгээр авьяасаа улам бүр хөгжүүлжээ. Энэ удаагийн үзэсгэлэн нь түүний бие даан гаргаж байгаа анхны арга хэмжээ бөгөөд үзэсгэлэнгийнхээ сэдвийн хүрээнд зурсан зургууд, загварын хувцаснуудаа олон нийтэд толилуулж байгаа юм.

Ц.Мөнххүслэн нь уран зураг, хувцас загвар, гар урлалын чиглэлээр уран бүтээлээ хийдэг бөгөөд 200 орчим бүтээлтэй болжээ. Монгол үндэсний уламжлалт зан үйл, орчин цагийн модерн загварын хоршуулан зурсан түүнийг зургууд нуугдмал өнгө аяс, гүн гүнзгий утга санааг агуулж, эрхгүй "Үүлсийн гүнд" аялуулна.

Түүний амжилтаас дурдвал, 2016 онд "Мөрөөдлийн хот" нийслэлийн гар зургийн тэмцээнд III байр, 2018 онд Баянгол дүүргийн Татварын хэлтсээс зохион байгуулсан зургийн тэмцээнд Тэргүүн байр, 2018 онд "Авьяасын хур" тэмцээний  Тэргүүн байр, “Гоёл 2018”  хувцас загварын тэмцээний үндэсний хувцасны төрөлд Тэргүүн байр, "Гоёл 2019" тэмцээний мөн төрөлд Тэргүүн байр, уран сэтгэмж төрөлд Тэргүүн байр, "Гоо ивээл" хувцасны чимэглэл загварын зургийн тэмцээнд тусгай байр, "Монгени Нийслэл зургийн IY олимпиад"-д дэд байр, "Шилдэг бизнес 2019" төслийн тэмцээн 700-аад төслөөс шалгарч Тэргүүн байр, "Хүүхдийн ертөнц" зургийн тэмцээн шалгарсан бүтээл, "Усны ухаалаг хэрэглээ" нийслэлийн гар зургийн тэмцээнд дэд байр, "Онцгой байдлын ерөнхий газар"-ын гар зургийн тэмцээн III байр тус тус эзэлжээ.

“Үүлсийн гүнд” үзэсгэлэн 2019 оны 9 дугаар сарын 17-22-ны өдрүүдэд ажиллана.

 380    2019-9-20
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.