...
...
  1. Нүүр
  2. Соёл урлаг

Х.Алтангэрэлийн “Харанхуй хад” симфони чуулбарын бүтсэн түүх

 479     1   2019-2-15

Хөгжмийн зохиолч Х.Алтангэрэл нь 2017 онд их зохиолч Д.Нацагдоржийн “Харанхуй хад” өгүүллэгээс сэдэвлэн дөрвөн ангит бүрэн хэмжээний симфони чуулбар бичсэн. Тус бүтээлийг “Хөгжмийн том хэлбэрийн шилдэг бүтээл-2018” Алтан намар хөгжмийн наадамд Монгол Улсын Филармоний симфони найрал хөгжим удирдаач Д.Нямдашийн удирдлагаар хөгжимдөж олны хүртээл болгосон билээ.

 

2016 онд Монголын орчин цагийн утга зохиолыг үндэслэгч, их зохиолч Д.Нацагдоржийн мэндэлсний 110 жилийн ой тохиосон бөгөөд тус ойд зориулж их зохиолчийн “Харанхуй хад” өгүүллэгээр “Дээд гэгээн” пикчерсын уран бүтээлчид уран сайхны кино бүтээсэн юм. Энэ киноны хөгжмийн зохиолчоор Х.Алтангэрэл ажилласан ба тус кино 2016 оны 11 сарын 17-нд “I Max” кино театрт нээлтээ хийж олон түмний хүртээл болсон аж.

 

2017 онд Хөгжмийн зохиолч Х.Алтангэрэл ОХУ-ын Москва хотын П.И.Чайковскийн нэрэмжит хөгжмийн их сургуульд нэг жил мэргэжил дээшлүүлэн суралцаж байхдаа “Харанхуй хад” киноныхоо “Нацагдорж, Пагмадулам нарын тема”-г ашиглан бүрэн хэмжээний дөрвөн ангит симфони чуулбар болгон тус хөгжмөө өргөжүүлэн бичсэн байна.

 

Энэ чуулбар нь “Эргэцүүлэл”, “Эрэл”, “Ганцаардал”, “Зүүд” гэсэн дөрвөн ангитай, 20 орчим минут үргэлжлэх симфони бүтээл юм.

 479     1   2019-2-15
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (1)
  • Зочин (124.158.88.56)

    Монголын мэргэжлийн хөгжмийн урлагт үнэтэй хувь нэмэр оруулж байгаа мундаг хөгжмийн зохиолч хүн дээ

    2019-2-15
    0 • 0 • 2

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.