...
...
  1. Нүүр
  2. Эдийн засаг

“Мах, махан бүтээгдэхүүний үйлдвэрлэл, худалдаанд мөрдөх техникийн зохицуулалт журам”-ын төслийн хэлэлцүүлэг болж байна

 395    2018-4-6

“Мах, махан бүтээгдэхүүний үйлдвэрлэл, худалдаанд мөрдөх техникийн зохицуулалт журам”-ын төслийн хэлэлцүүлэг өнөөдөр (2018.04.06) ХХААХҮЯ-ны хурлын танхимд болж байна.

 

        Хэлэлцүүлэгт ХХААХҮЯ-ны Худалдаа, нийтийн хоол, үйлчилгээний зохицуулалтын хэлтсийн дарга О.Онон, мах махан бүтээгдэхүүний асуудал хариуцсан мэргэжилтэн Ц.Цэцэгдарь, Нэмүү өртгийн сүлжээ төслийн зөвлөх, зохицуулагчид, зах, худалдааны төвүүд, супермаркет, дэлгүүр зэрэг худалдааны чиглэлээр үйл ажиллагаа явуулдаг аж ахуйн нэгжийн төлөөлөл оролцож байгаа юм.

Журмын төсөлд мал төхөөрөх, мал ангилж савлах, мах боловсруулах үйлдвэрлэлд тавих шаардлага, мах хөргөх, хөлдөөх, тээвэрлэх үеийн эрүүл ахуйн шаардлага, мах боловсруулах үйлдвэрийн цэцэрлэгээ, халдваргүйтгэлд тавих шаардлага, мал бэлтгэх, төхөөрөх үйл ажиллагаанд мал эмнэлгийн хяналт үйлчилгээ, худалдааны шатанд тавих шаардлага, мах, махан бүтээгдэхүүний хүнсний аюулгүй байдал зэрэг зохицуулалтыг тусгажээ.

"Мах, махан бүтээгдэхүүний үйлдвэрлэл, худалдаанд мөрдөх техникийн зохицуулалт журам" батлагдсанаар мал төхөөрөхөөс эцсийн хэрэглэгчид хүрэх хүртэл бүх шат дамжлага хяналттай болж, хүн амыг эрүүл, аюулгүй мах, махан бүтээгдэхүүнээр хангах боломж бүрдэх бөгөөд махны үйлдвэрлэл, худалдаа эрхлэгчдийн нийтээр дагаж мөрдөх журам гэдгийг хэлэлцүүлэг зохион байгуулагчид онцолж байна. 

Эх сурвалж: ХХААХҮЯ

 

 395    2018-4-6
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.