...
...
  1. Нүүр
  2. Орон нутаг

АНУ-ын хөрөнгө оруулалтаар Сайншанд 50 хүүхдийн цэцэрлэг ашиглалтад орно

 293    2019-6-6

Аймгийн Засаг даргын “Хөгжлийн төлөө хамтдаа” /2016-2020/ үйл ажиллагааны хөтөлбөрт “Ерөнхий боловсролын сургууль, цэцэрлэгийн сурагчдын эрүүл аюулгүй, ээлтэй орчин нөхцөлийг бүрдүүлэн стандартад суурилсан үйлчилгээг хэрэглэгч бүрд хүргэнэ” гэсэн зорилтын хүрээнд Сайншанд сумын 2 дугаар багт АНУ-ын хөрөнгө оруулалтаар 50 хүүхдийн хүчин чадалтай, эко цэцэрлэгийн барилгын шавыг өчигдөр /2019.06.05/ тавилаа.

Цэцэрлэгийн барилгын ажлыг "Монголиан пропертис" ХХК гүйцэтгэх бөгөөд 2020 онд ашиглалтад хүлээлгэн өгөх юм. Шав тавих ёслолын арга хэмжээнд АНУ-аас Монгол Улсад суугаа онц бөгөөд бүрэн эрхт Элчин сайд Майкл Клэчэски, УИХ-ын гишүүн, Дорноговь аймгийн Нутгийн зөвлөлийн тэргүүн Б.Дэлгэрсайхан, аймгийн Засаг дарга Т.Энхтүвшин, аймгийн ИТХ-ын дарга С.Түмэнбаяр болон зочид төлөөлөгчид оролцлоо.

Мөн 2017 онд АНУ-ын хөрөнгө оруулалтаар 50 хүүхдийн хүчин чадалтай, жишиг цэцэрлэгийг Замын-Үүд суманд ашиглалтад оруулсан юм.

 293    2019-6-6
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.