...
...
  1. Нүүр
  2. Нийгэм

МСНЭ ахмад сэтгүүлчдэдээ хүндэтгэл үзүүллээ

 395    2018-2-21

Тийн унжлагат хэмээх нөхөрсөг шар Нохой жилийн шинийн тавны билэгт сайн өдөр МСНЭ-ийн үе, үеийн Ерөнхийлөгч нар болон шинээр сонгогдсон Удирдах зөвлөлийн гишүүд, Хяналтын зөвлөлийн гишүүд ахмад сэтгүүлчдээ хүлээн авч, сар шинийн золголт зохион байгууллаа. Хаврын тэргүүн сарын босгон дээр Монголын Сэтгүүлчдийн Нэгдсэн Эвлэл XVII их хурлаа амжилттай хуралдуулж, дүрмээ шинэчлэн, шинэ удирдлагууд сонгогдсон юм. Ахмад сэтгүүлчдэд хүндэтгэл үзүүлэх энэхүү золголтын үйл ажиллагаа нь МСНЭ-ийн анхны нэгдсэн арга хэмжээ бөгөөд 130 орчим ахмад буурлууд хүрэлцэн ирлээ. Айлчлан ирж буй нөхөрсөг хэмээх шар нохой жилд Монгол Улсад Үндэсний сэтгүүлзүй үүсч хөгжсөний 105 жилийн ой тохиож буй. 105 жилийнхээ ойн арга хэмжээний хүрээнд МСНЭ-ээс олон цогц арга хэмжээ зохион байгуулахаар төлөвлөсөн байна. Энэ талаар МСНЭ-ийн Ерөнхийлөгч Х.Мандахбаяр "МСНЭ-ийн удирдлагууд орон нутгийн салбар байгууллагуудаа бэхжүүлэхээс ажлын гараагаа эхэлж, хамтын ажиллагааг тал бүрээр өргөжүүлэх, харилцан ойлголцлоо эрхэмлэх, гадаад харилцаагаа хөгжүүлэх, хууль эрхзүйн орчноо сайжруулах, сэтгүүлчдээ сурган чадавхжуулах, тэдний нийгмийн асуудлыг шийдвэрлэх зэрэг өөдрөг хүсэл, өрнүүн зорилт дэвшүүлэн түүхэн ойгоо угтаж байгаа” хэмээн онцолсон юм.

 

МСНЭ-ийн Ажлын алба

 

 

 

 

 

 

 

 

 

 

 395    2018-2-21
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.