...
...
  1. Нүүр
  2. Нийгэм

Хөгжлийн шинэ загварын тухай тодотгов

 989    2017-12-7

Казахстаны нийслэл Астана хотноо  Олон улсын парламент хоорондын бага хурал болов. Тэр хуралд УИХ-ын гишүүн Монгол - Казахстаны парламентын бүлгийн дарга Д.Мурат Монгол Улсаа төлөөлөн оролцлоо.

Казахстаны Парламент Мажилисаас  Улсынхаа анхны Ерөнхийлөгчийн өдөрт зориулан зохион байгуулсан Олон улсын Парламентын бага юм. Энэхүү бага хуралд ОХУ, Унгар, Болгар, Турк, Азербаджан, Узбек, АНЭУ-ын Парламентын дэд дарга нар оролцлоо. Мөн  Европын Холбоо, Хятад, Испани, Итали, Туркмен, Таджик зэрэг  орноос парламентаас гишүүд зочлон оролцсон билээ. Бага хурлыг нээж Казахстаны Парламент Мажилисын дарга Н.Нигметулин үг хэлсэн.

Тэрбээр хэлсэн үгэндээ “...Казахстан Улс тусгаар тогтноод зууны дөрөвний нэг хугацааг өнгөрөөж байна. Энэ хугацаанд Казахстан Улс хөгжил, бодлогоороо дэлхийд танигдсан шинэ Казахстан Улс болж хөгжлөө. Үүнийг олон улсад “Хөгжлийн Казахстаны загвар” гэдэг боловч бид үүнийг Казахстаны Анхны ерөнхийлөгчийн санааачилсан “Хөгжлийн Назарбаевын загвар” гэж үздэг...” гэлээ.

Үдээс хойш нь үргэлжилсэн хуралдаан дээр УИХ-ын гишүүн Монгол - Казахстаны парламентын бүлгийн дарга Д.Мурат үг хэлэв. Тэрбээр хоёр орны харилцаа улмаар  Парламент хоорондын харилцааг  хөгжүүлэхийг хүсээд Монгол, Казахстан хоорондын худалдааг өргөжүүлэхэд парламентээс дэмжлэг өгч ажиллах нь зүйтэй гэдгийг онцолсон юм.

Мөн Казахстаны Парламент Мажилисын гишүүн, Казахстан – Монголын парламентын бүлгийн орлогч дарга А.А.Смагуловтой уулзаж хоёр орны харилцааны асуудлаар санал бодлоо солилцлоо. Энэхүү уулзалтын үеэр Монгол улсын Ерөнхийлөгчийг Казахстан Улсад айлчлуулах асуудлыг 2018 оны эхний улиралд багтаан хэрэгжүүлэх талаар аль аль талаас дэмжлэг өгөх. Монгол- Казахстаны хооронд ОХУ-аар дамжуулан  транзит тээвэр хийх коридор нээх, Улаанбаатар-Aстана хот хооронд агаараар зорчигч тээвэрлэлтийг сэргээх асуудлыг хөндөж ярилцав.

 989    2017-12-7
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.