...
...
  1. Нүүр
  2. Улс төр

Киргизийн Гадаад хэргийн Нэгдүгээр орлогч сайд Динара Кемеловаг хүлээн авч уулзав

 1335    2017-10-23

Гадаад харилцааны дэд сайд Б.Батцэцэг Улаанбаатар хотноо 10 дугаар сарын 18-19-ний өдрүүдэд болсон “Үндсэн хуулийн нэмэлт өөрчлөлтийн асуудал: Монгол Улсын жишээ” сэдэвт олон улсын хуралд оролцож буй Киргизийн Гадаад хэргийн Нэгдүгээр орлогч сайд Динара Кемеловаг хүлээн авч уулзав.

Киргизийн Гадаад хэргийн дэд сайд Д.Кемелова энэ жил Монгол Улс, Киргиз Улсын хооронд дипломат харилцаа тогтоосны 25 жилийн тэмдэглэлт ой тохиож буйг дурдаад Монгол, Киргизийн харилцаа амжилттай хөгжиж байгаад сэтгэл хангалуун байгаагаа илэрхийлэв. Өнгөрсөн хугацаанд Төв Азийн бүс нутагт парламентын засаглал, ардчиллыг сонгосон хоёр орны хувьд ардчиллын нэгдмэл үнэт зүйлс, байр сууриа бататган, бие биеэ харилцан дэмжих, туршлага хуваалцах зэргээр нягт хамтран ажиллаж ирснийг талууд санал нэгтэйгээр тэмдэглэв.

Гадаад харилцааны дэд сайд нар хоёр орны харилцаа, хамтын ажиллагааны чиглэлээр 2018 онд хэрэгжүүлэхээр төлөвлөж буй ажлын талаар санал солилцов. Гадаад харилцааны дэд сайд Б.Батцэцэг манай улсын санаачилсан Далайд гарцгүй хөгжиж байгаа орнуудын олон улсын судалгааны төвийг үүсгэн байгуулах тухай олон талт хэлэлцээрт Киргиз Улс нэгдэн орсонд талархал илэрхийлэв.

 1335    2017-10-23
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.