...
...
  1. Нүүр
  2. Нийгэм

Монголын мах боловсруулах үйлдвэрүүдийн чанар 2015 онтой харьцуулахад эрс сайжирсан байна гэв

 829     1   2017-10-2

ХХААХҮЯ-ны БТГ-ын дарга М.Энх-Амар,  ХүҮБХЗГ-ын дарга Т.Гантогтох, Мал эмнэлэг үржлийн газрын дарга П.Ганхуяг, ГХАХ-ийн дарга С.Занданбал болон бусад албаны  төлөөлөл мал төхөөрөх, мах боловсруулах үйлдвэрүүдэд хянан магадлагаа явуулах БНХАУ-ын ӨМӨЗО-ны хилийн хяналт шалгалт, хорио цээрийн газрын бүтээгдэхүүний хяналтын байцаагч Лиү Жинхуа, ШӨЗО-ны мужийн хилийн хяналт шалгалт хорио цээрийн газрын мал малын гаралтай бүтээгдэхүүний гэрчилгээжүүлтийн хэлтсийн дарга Ван Лүбао, Арээний боомтын хилийн хяналт шалгалт хорио цээрийн газрын дэд дарга Давшилт, Шандун нарыг хүлээн авч/2017.09.29/ уулзлаа.

Тодруулбал, Мал төхөөрөх, мах боловсруулах үйлдвэрүүдэд хянан магадлагаа явуулах БНХАУ-ын эрх бүхий байгууллагын төлөөлөгчид долоон аймгийн 11 махны үйлдвэрийн үйл ажиллагаатай танилцсан бөгөөд энэ талаар харилцан санал солилцов.  

Уулзалтын эхэнд БНХАУ-ын ӨМӨЗО-ны хилийн хяналт шалгалт, хорио цээрийн газрын бүтээгдэхүүний хяналтын байцаагч Лиү Жинхуа “Манай багийнхан энэ 8 хоногийн дотор Монгол Улсын хот болон орон нутгийн  нийт 36 мах боловсруулах үйлдвэрт хяналт магадлагаа хийлээ. Энэхүү   хяналт магадлагааны  үеэр Монголын мах боловсруулах үйлдвэрүүдийн чанар 2015 онтой харьцуулахад  эрс сайжирсан байна” гэдгийг онцоллоо.

 ХХААХҮЯ-ны БТГ-ын дарга М.Энх-Амар “Монголын мах боловсруулах  олон үйлдвэрүүд хяналт магадлагаанд орох хүсэлт тавьж байгаа. Богино хугацаанд үйлдвэрүүдийг хянан магадлагаа хийх боложгүй байгаа тул жилд хоёр удаа ирж ханалт магадлагаа хийлгэх хүсэлтэй байна”  гэдгийг энэ үеэр илэрхийлэв. 

 829     1   2017-10-2
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (1)
  • Ханой (118.70.170.139)

    Вьетнамд мах экспортлох асуудлаа яаравчлах хэрэгтэй байна. Эрх авсан 4 компани танилцуулгаа яаралтай ирүүлэх хэрэгтэй байна. Цаг хугацаа биднийг хүлээхгүй шүү. Хятадын Тьянжин боомт хүртэл төмөр замаар тээвэрлээд тэндээсээ Вьетнамын усан тээврийн онгоцонд шилжүүлэх нь хамгийн боломжит тээвэр юм. Тээврийн асуудлаар хятадын талтай бас яг таг тохирох хэрэгтэй байна. Зам тээврийн яам үүнд анхаарах хэрэгтэй байна.

    2017-10-5
    0 • 0 • 1

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.