...
...

Өнөөдөр болох үйл явдлууд

Өнөөдөр буюу арванхоёрдугаар сарын 02-ны баасан гарагт болох зарим үйл явдлын тоймыг хүргэж байна.

НЗДТГ

09.00 цагт: Хөгжлийн бэрхшээлтэй иргэдийн эрхийг хамгаалах олон улсын өдрийг угтан хөгжлийн бэрхшээлтэй 5 иргэнд нийслэлийн шагнал гардуулна. Арга хэмжээ НЗДТГ-ын Б зааланд болно. Утас: 99050453

"ТУУШИН" ЗОЧИД БУУДАЛ

09.00 цагт: Монгол Улсын Засгийн газраас санаачлан Монгол Улсын Засгийн газар-Хөгжлийн түншүүдийн Зөвлөлдөх уулзалтыг “Тогтвортой хөгжлийг дэмжих хамтын ажиллагаа” сэдвийн хүрээнд "Туушин" зочид буудлын "Соёмбо" танхимд зохион байгуулна. Утас 99938477, 89122279

"BLUE SKY" ЦАМХАГ

09.00 цагт: Олон улсын эрдэмтэдийн бүх нийтэд нээлттэй лекц болно. Энэ үеэр Олон улсын харилцаа, геополитик, Орос, Хятадын гадаад бодлогын талаарх лекцийг ОХУ, БНХАУ, БНСУ-ын эрдэмтэд тавих юм байна.

ХАНГАРДИ ОРДОН

09.30 цагт: НИТХ-ын ээлжит хуралдаан үргэлжилнэ. Тус хуралдаанаар нийслэлийн 2017 оны төсөв батална. Утас: 325044

ҮНДСЭН ХУУЛИЙН ЦЭЦ

09.30 цагт: Шүүгчийн эрх зүйн байдлын тухай хуулийн 15 дугаар зүйлийн 15.3 дахь хэсэгт Улсын дээд шүүхийн Ерөнхий шүүгчийг зургаан жилийн хугацаагаар зөвхөн нэг удаа томилохоор хуульчилсан нь уг асуудлыг зохицуулсан Үндсэн хуулийн Тавиннэгдүгээр зүйлийн 2 дахь хэсгийн агуулгад харшилж байна гэсэн маргааныг хянан хэлэлцэх Монгол Улсын Үндсэн хуулийн цэцийн дунд суудлын хуралдаан Цэцийн ордонд нээлттэй болно.

"БИШРЭЛТ" ЗОЧИД БУУДАЛ

10.00 цагт: Эрүүл мэндийн хөгжлийн төв, Рафаель интернешнл ТББ хамтран хэрэгжүүлсэн Эрүүл мэндийн мэргэжилтнийг чадвахижуулах төслийн үр дүнг тайлагнах “Хүний нөөц, байгууллагын хөгжил сургалтын үр дүнгийн тайлан, уралдаан” арга хэмжээ "Бишрэлт" зочид буудалд болно.  Утас: 99027371

ХҮҮХДИЙН УРЛАН БҮТЭЭХ ТӨВ

10.00 цагт: Нийслэлийн хүүхэд, гэр бүлийн хөгжлийн газраас "Аз жаргалтай гэр бүл өдөрлөг"-ийг  Хүүхдийн урлан бүтээх төвд зохион байгуулна. Утас: 94839684

КЕМПИНСКИ ХААН ПАЛАС ЗОЧИД БУУДАЛ

10.00 цагт: ИНЕГ-ын Нисэхийн аюулгүй ажиллагааны хяналт, зохицуулалтын алба байгуулагдсаны 20 жилийн ойг тохиолдуулан зохион байгуулж буй Онол практикийн бага хурал Кемпински Хаан палас зочид буудлын хурлын зааланд эхэлнэ.  Утас: 91615500

СЭРГЭЭН ЗАСАЛТ, СУРГАЛТ, ҮЙЛДВЭРЛЭЛИЙН ТӨВ

10.00 цагт: Нийгэм, олон нийтэд хөгжлийн бэрхшээлтэй иргэдийн дуу хоолойг хүргэх, тэдний нийгмийн оролцоог нэмэгдүүлэх, салбар хоорондын уялдаа холбоо, хамтын ажиллагааг сайжруулах, хөгжлийн бэрхшээлтэй иргэдийн хөдөлмөр эрхлэлтийн чиглэлээр мэдээлэл, зөвлөгөө өгөх, хөгжлийн бэрхшээлтэй иргэдэд сэргээн засах болон бусад үйлчилгээг үзүүлэх зорилгоор “Хамтдаа хөгжье” өдөрлөг зохион байгуулна. Утас: 70135515, 99012106

ГЭР БҮЛ, ХҮҮХЭД, ЗАЛУУЧУУДЫН ХӨГЖЛИЙН ГАЗАР

10.00 цагт: Арабын Нэгдсэн Эмират Улсын Дубай Хотод зохион байгуулагдсан Дэлхийн 60 гаруй орны Соробан сампин, цээж тооллогын аварга шалгаруулах тэмцээнд амжилттай оролцож алт, мөнгө, гранпри шагналыг хүртсэн хүүхдүүдийг Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас хүлээн авч уулзаж, баяр хүргэнэ.  Утас: 99136513

"МОНГОЛ НЬЮС" МЭДЭЭЛЛИЙН ТӨВ

11.00 цагт: “Хар сарнай” хамтлагийн ахлагч С.Амармандахтай холбоотой асуудлаар түүний гэр бүл, хамтран зүтгэгчид нь сэтгүүлчдэд мэдээлэл хийнэ.

"МИШЭЭЛ" БАРИЛГЫН ИХ ДЭЛГҮҮР

12.00 цагт: Орон сууцны хямдрал, урамшуулалт өдөрлөг болно. Орон сууцны биржээс зохион байгуулж буй тус өдөрлөгт Улаанбаатар дахь 80 гаруй орон сууцны төсөл хэрэгжүүлэгчид , ипотекийн 8 хувийн зээл олгож байгаа арилжааны банкууд оролцож орон сууцны м.кв талбайн үнийг 200-500 мянган төгрөгөөр хямдруулж байгаа болонбанкны эдийн засагчид ипотекийн зээлийг хэрхэн авах тухай зөвлөгөө өгөх юм. Утас: 99905443, 99907815

ТӨРИЙН ОРДОН

14.00 цагт: МУИС-ийн Олон Улсын харилцаа нийтийн удирдлагын сургуулийн 25 жилийн ойд зориулсан тусгай хүндэтгэлийн лекц болно.

“ТАНАН” ТӨВ

15.00 цагт: БСШУСЯ, ШУА хамтран олон нийтэд шинжлэх ухааны мэдлэг олгох зорилгоор “Эрдэмтдийн үг” цуврал лекцийг зохион байгуулна. Энэ лекцийн 8 дахь удаагийн зочин эрдэмтнээр эдийн засагч, доктор, профессор Б.Даваасүрэн уригдаж, “Иргэдийн эдийн засгийн боловсрол” сэдвээр олон нийтэд нээлттэй, үнэ төлбөргүй лекц уншина. Утас: 99045949

Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ