...
...
  1. Нүүр
  2. Нийгэм

“Мэдлэг ба чадвар” хөтөлбөр амжилттай хэрэгжиж эхэллээ

 187    2019-10-30

Нийслэлийн Эрүүл мэндийн газраас санаачлан зохион байгуулж буй “Мэдлэг ба чадвар” хөтөлбөр нийслэлийн хэмжээнд амжилттай хэрэгжиж байна. Энэхүү хөтөлбөр нь Анагаахын чиглэлээр суралцаж байгаа оюутан залуучууд болон залуу эмч, эмнэлгийн мэргэжилтнүүдэд зориулсан сургалтын хөтөлбөр юм.

Хөтөлбөр гурван үе шаттай хэрэгжих бөгөөд эхний шатанд нийт таван удаагийн нээлттэй идэвхжүүлэх лекц Анагаахын сургуулиуд дээр зохион байгуулагдана. Хоёрдугаарт шатанд 60 хүнийг сонгон авч, англи хэлний танхимын сургалтад үнэ төлбөргүй хамруулах юм. Харин гуравдугаар шатанд амжилттай суралцсан 10 хүнтэй төслийн баг болон үргэлжлүүлэн хамтарч ажиллах юм байна.

“Мэдлэг ба чадвар” хөтөлбөрийн эхний 2 удаагийн идэвхжүүлэх лекц нь АШУҮИС, “АЧ” АУИС дээр зохион байгуулагдсан бөгөөд нийт 700 гаруй оюутан залуучууд хамрагдаад байна. Гурав дахь лекц 2019 оны 10 дугаар сарын 30-ны өдөр буюу /өнөөдөр/ 18:00 цагаас АШУҮИС-ийн Ботаникийн цэцэрлэгт хүрээлэн дэх Анагаах ухааны сургуулийн байранд зохион байгуулагдах юм.

Эх сурвалж: Нийслэлийн эрүүл мэндийн газар

 187    2019-10-30
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.